تداول رواد مواقع التواصل الاجتماعي صورًا تكشف عن حذف إعلان “ليك في الكيك”” للفنان حمدي الوزير بعد يومين فقط من طرحه.
وكان الفنان حمدي الوزير اثار جدلا كبيرا في مصر ؛ بسبب ظهوره في الاعلان بتعبير الوجه الذي اشتُهر به بعد تقديمه في فيلم “قبضة الهلالي”، و لاقى إعلان سخرية واسعة على مواقع التواصل الاجتماعي من قبل مستخدمي وسائل التواصل الاجتماعي، حيث أعرب البعض عن استيائهم من المستوى الفكري المتدني للشركة التي روجت للإعلان.
وقال حمدي الوزير خلال مداخلة هاتفية ببرنامج «حضرة المواطن»الذي يقدمه الكاتب الصحفي سيد علي بقناة «الحدث اليوم»: «فيه ناس مرضى نفسيين بيحاولوا يربطوا صورة الإعلان بالتحرش، والحقيقة، إن الصورة بتاعت الإعلان ليس لها علاقة بالتحرش».
وأضاف: «غمزة إيه وتحرش ايه، فيه ناس مش قادرة تفرق بين التمثيل والحقيقة، لو فيه مشهد اغتصاب في عمل فني، هل ده معناه حقيقي؟!»، لافتا إلى أنه قدم أهم الأعمال المتعلقة بمواجهة العنف ضد المرأة مع أكبر المخرجين، دون لمس أي زميلة له.
وأوضح الوزير، أن إعلان «ليك في الكيك» عن الحلويات، وخاص بشركة معروفة، مشيرا الى أنه كان هناك اقتراح لمشاركة فنانة في الحملة الإعلانية، ولكن الشركة رفضت، متابعا: «وبعدين الإعلان مكتوب أنت ليك في الكيك.. هو له اسم تاني؟، معروفة أنو كيك الحلويات، والحكاية إن دي ناس متنمرة لأي حاجة كويسة».
واستطرد الوزير: «الناس اللي بتقول إن عندنا بنات وأمهات بتمشي في الشوارع، وإيه يعني لما يمشوا؟، هو أنا بعمل حاجة في البنات ولا جيت جنبهم والعياذ بالله، والبنات دول أخواتنا، والصورة مفيهاش أي حاجة».
واكد الوزير : ” الإعلانات لم يتم إزالتها لكن يتم استكمال الحملة الإعلانية “.
وتابع حمدي الوزير: الشركة المعلنة كانت عايزة تستخدم الصورة اللي فيها ريأكشن الغمزة بتاعة التحرش اللي في الفيلم، وأنا رفضت، وقولتلهم ممنوع والناس استجابت بشياكة شديدة جدا، فالمنتقدين دول ناس مريضة جدا.
وتناول نشطاء مواقع التواصل الاجتماعي الإعلان بسخرية، إذ علق أحد نشطاء : “الإعلان ده بيتقال عليه Dirty Marketing.. لو متعرفش يعني إيه! فهو نوع من أنواع التسويق اللي فيها إيحاءات جنسية أو التنمر، أو أي شيء يثير استفزاز العملاء لغرض عمل Awareness سريع ويبدأ الناس يدوروا عليه”.
وأضاف: “تعالوا نتكلم عن الكامبين دي “ليك في الكيك”، هو غالبا إعلان شركة بسكويت أو كيك، المهم إن ال Copywriter اللي كتب الإعلان هو شخص كريتيف وعمل Concept حلو وقدر يوصل العميل يفهم البراند ويدور عليه في أسرع وقت، خصوصا إنه على Billboard محتاج أقل من ١٠ ثواني عشان تشوفه وتفهمه، بس في الآخر هي فكرة وحشة وملهمش علاقة بالماركتينج النظيف وممكن يعمل Back fire على البراند بس هو اختار الأسهل والأسرع وراح لطريق الـ Dirty Marketing ودي كانت النتيجة، فهنشوف الفترة الجاية الإعلان هيكون إيه؟”.
يذكر أن أخر أعمال الفنان حمدي الوزير الفنية مسلسل موسى الذي تم عرضه في شهر رمضان لعام 2021، وكانت تدور أحداث المسلسل في قرية مصاغة – سوهاج عام 1942 أثناء الاحتلال البريطاني لمصر والحرب العالمية الثانية، حول موسى الفتى الجامح الذي يتحمل مسئولية أشقائه ووالدته ويواجه العديد من المصاعب والأزمات في قريته.
