حلت الفنانة “زينة” ضيفة علي برنامج “حبر سري” والذي تقدمه الإعلامية “أسما إبراهيم” المذاع علي قناة “القاهرة والناس” مساء أمس الإثنين.
وكشفت أثناء حوارها مع الإعلامية “أسما إبراهيم” عن أنها لازالت تحب زوجها السابق “أحمد عز” لأنه ابو أولادها قائلة: “مينفعش أقول إني مش بحبه حتى لو هو مش موجود، ومينفعش أقول أنا بحب حد تاني لأن ولادي لما يكبروا مش هيسمحوني”.
وردت الفنانة “زينة” على سؤال الإعلامية “أسما إبراهيم” عن إمكانية زواجها مرة أخرى وأكدت أنها لا تكره فكرة الزواج مرة أخرى لاكنها لديها أولاويات تجاه أطفالها وليس لديها وقت للدخول في أي علاقة قائلة: “مسئولية ومش فاضية ومش عندي رفاهية إني أحب وأخرج ومش عندي حاجة أديها لأي حد ووقتي كله لولادي أو شغلي وحياتي كلها عيالي ولو عندي وقت هديه لنفسي لأن أنا أهم، وبحارب في دنيا كلها حروب والأول ولادي وبعديهم نفسي واللي هييجي هياخد إيه”.
وأكملت الفنانة “زينة” متحدثة عن أزمتها مع زوجها السابق الفنان “أحمد عز” قائلة: “محدش ليه دخل يتكلم علينا، وأنا وهو في بينا ولاد وناكل بعض مفيش حد ليه دعوة بينا وهنتصالح في الآخر واللي عايز يقول رأيه يقول في بيته، وبقى أي حد مش عنده شغل يتكلم علينا”.
وأضافت الفنانة “زينة” قائلة: “لو وقعت في أزمة أحمد عز هييجي عشان خاطر ولاده مش عشاني أنا، وهو راجل محترم ومتكفل بولاده ومحترم معاهم”.
وتابعت “زينة“: “اللي ضدي واللي معاه بس مش عايزين حد يتدخل ومتدخلوش في مشكلة متخصوكوش وانتوا متعرفوش أي حاجة وملكوش تتدخلوا والإعلام يتدخل في الموضوع واللي مش لاقي شغل بيتكلم علينا”.
واختتمت الفنانة “زينة” حديثها عن الأزمة قائلة: “إنتوا مين بجد، بس اخرسي انتي وهي وهو محدش ليه دعوت بينا إحنا حرين ناكل بعض، هنتصالح، في بينا ولاد هو راجل محترم وأنا محترمة محدش ليه دعوة بينا”.
