الفنانة شرين رضا خلال استضافتها في برنامج ” أنا والقناع ” مع الإعلامية منى عبدالوهاب، مساء يوم الحد على قناة الحياة، لتكشف عن عدد من تفاصيل حياتها الفنية والشخصية.
أكدت الفنانة شيرين رضا خلال حديثها، أن الشغل له هيبته، وأن علاقتها ببناتها وأهلها وأصدقائها لسيت لها هيبه ولكن علاقتهما بينها حب.
مضيفة قائلة: علمت بنتي كل حاجة اتعلمتها من أبويا وأخم حاجة النقاش، وأخذت من والدها شكل يداه وقدمه وملامح منه.
وأضافت خلال حوارها في البرنامج ” أنها لا تعتقد أن أحد استطاع فهمها من ارتباطتها العاطفية، مشيرة خلال كلامها: “أنا لغز كبير وأنا بس اللي معايا مفتاح اللغز دا، ومش بخاف من الحب واتعودت إن مشاعري متكونش هي المتحكمة في أفكاري وأرائي.
وأكدت: ” أنا مش أكتر وحدة فهمت عمرو دياب واحنا كنا صغيرين وقت زوجنا، وأنا أعرفة من صغرنا ونعرف بعض كويس ولكن مش اكتر وحده فاهماه، ومش فاكرة بينا غير الحاجات الحلوة اللي بنا ومش بحب افتكر الحاجات الوحشة.
وأكدت خلال حوارها في البرنامج أنها تفتقد للفنان الراحل أحمد زكي وتفتقد الجلوس معه، قائلة: “افتقدت أحمد زكي ووحشني أوي، وكنا صحاب، وكنت بحب أروح أقعد معاه ونتكلم مع بعض”.
وأضافت، ” مره رحت أقعد معاه وزرته في البيت، وكنا هنتغدى ونتفرج على فيلم السادات والفيلم دا طويل، وهو مهتم جداً بكل تفاصيله عملها في الفيلم، وقعدنا نتفرج ع الفيلم 6 ساعات وكل شوية يقف ويشرح كل مشهد وكان بحب عمله وكنت على طول معاه في الآخر”.
وأكدت أنها لا تحب لبس قناع الزعل، مشيرة إلى: “مش بحب النكد، وعندي وحده صحبتي كانت عزيزة عليا ووقعت في نظري بسبب تصرفاتها، ولما حد بيجرحني بمشي اللوم بيكون لما تفرق معايا، وبحب أشوف الجمهور شايفني ازاي، وبيفرق معايا الناس شايفني ازاي، وأنا في المجال دا عشان الناس”.
