وجه مؤدي المهرجانات حسن شاكوش هجوم لاذع للمطرب محمود العسيلي، بعد التصريحات التي قالها الأخير في آخر لقاءاته التليفزيونية مفادها أن أغاني المهرجانات تراجعت، مبديا تعجبه من اعتلاء مطرب غير مشهور صدارة الأعلى استماعا بالوطن العربي، الأمر الذي أثار غضب مؤدي المهرجانات حسن شاكوش، ودفعه للرد على تلك التصريحات التي تقلل من قيمته الفنية من وجهة نظره.
رد حسن شاكوش على محمود العسيلي
ورد مؤدي حسن شاكوش على تلك التصريحات من خلال بث مباشر نشره على حسابه الرسمي بموقع التواصل الاجتماعي إنستجرام، قائلا: محمود العسيلي جالى كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه لكن ماينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، وتابع حسن شاكوش: يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه.
وأكمل حسن شاكوش حديثه قائلا: أنا مش حافظ أغاني لمحمود العسيلي ولا أعرفها، إنما إحنا الحمدلله والشكر لله مسمعين وموجودين في الوطن العربي، وبنعمل أرقام خيالية، اللى هيحترمنا هنشيله فوق دماغنا، إنما اللي مش هيتحترمنا مش هنحترمه.
حسن شاكوش: إحنا اللي بنرقص الناس
وعن الهجوم الذي يواجهه مطربيبن الراب والمهرجانات في مصر، أوضح حسن شاكوش أن أغانيه ستظل مستمرة قائلا: لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا، وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب، والأغاني اللى بتجيب الاكتئاب وبتجيب ملل وبتعقد الناس الجمهور مابيصدق يسمع الأغاني بتاعتنا عشان يخرج من موج الحزن والاكتئاب.
أما عن تراجع أغاني المهرجانات في السوق المصري، قال حسن شاكوش: إحنا شغلنا يعيشنا 20 سنة قدام، ولسه بنبدأ حياتنا ومكملين، ومفيش مؤدي مهرجانات فينا سنه معدي الـ 40 أو 35 سنة، وإن شاء الله مكملين في النجاح، والنجاح اللى إحنا قدمناه يشغلنا ويعيشنا 20 سنة قدام، بس إحنا مش آخرنا كده، إحنا عايزين نطّور ونجدد.
