شاهد أبرز تصريحات الفنان سامح حسين

متابعة نهى مدحت

صرح الفنان سامح حسين عن أبرز المواقف الصعبة التي مر بها بعد انفصال والديه، وإصابة والدته بالسرطان.

نوضح لكم أبرز تصريحات الفنان :- 

علق سامح قضينا فترة صعبة جدا في حياتنا، ولكن كان عندنا عزة نفس.

أعرب الفنان” والدتي لما كانت تزور قرايبنا كانت تقول لهم اننا بنربي فراخ في المنور، ويدوها بقايا اكل للفراخ، ولكن في الواقع بقايا الاكل دي كانت لينا.

 

تطرق الفنان إلى حياة المهنية قال:بدأت اشتغل في سن صغير، اشتغلت شيال طوب ورمل واطلع عمارات، انا عندي ألم في فقرات الظهر السفلية من ايام الجامعه، لاني كنت محتاج فلوس جنب الدراسه.

والدتي قضت في المستشفي ست شهور:

أضاف سامح، والدتي قضت في المستشفى ست شهور، وانا كنت لوحدي، ومكانش معايا فلوس اجيب لها كيس دم، كنت اتبرع او اطلب من أصحابي يتبرعوا بالدم، وقبل وفاتها عرفت من الدكتور انها هتكون خلال أسبوعين، لكن بعد وفاه والدتي توفى اخويا احمد وعمره 19 سنه تقريبا.

سامح حسين زعلان جدا من والدي:

أكمل سامح زعلان جدا من والدي، عشان كده دايما بقول اللى بيفكر في الزواج، لو مش هتقدر على مسؤولية الزوجة والأولاد بلاش تتجوز، لأن بسبب الانفصال بين الوالد والوالده انا اللي ربيت اخواتي وعلمتهم، تعبت جدا مع والدتي عشان نربي اخواتي، واخواتي دول انا بعتبرهم اولادي.

 

اعرب سامح حسين، انا بحترم جدا كل اللي بيشتغل وبيصرف على اهله، انا مش مكسوف من اي حاجه بالعكس ده كان ربنا بيطبطب عليا دايما.