اللي مش سعيد بالفن والفنانين يولع.. سماح أنور

وجهت الفنانة سماح أنور رسالة شديدة اللهجة لبعض المصريين وصفتهم بأنهم جهلة لكرههم للفن والفنانين، وكان ذلك بعد رفض أصحاب العقار

الذي كان يسكن فيه والديها، السيناريست أنور عبد الله ووالدتها الفنانة سعاد حسين والنجمة شادية.

وأوضحت الفنانة سماح أنور ذلك في بث مباشر عبر حسابها الرسمي على موقع التواصل الإجتماعي “فيس بوك” قائلة: “هناك مجموعة من الشعب تكره الفنانين وتشتمهم وتنظر لهم بطريقة دنيئة، وده مش بيهم الفنان

لأنه بيبدع عشان يتبسط ويبسط الناس اللي بيحبوه، واللي مش سعيد

بالفن والفنانين يولع”. 

وأشارت الفنانة سماح أنور إلى أن الفن بالنسبة لهم موهبة قائلة: “إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي من روح الله نفسه، بس الناس الجاهلة”.

وأكملت الفنانة سماح أنور كلامها عن صاحب العقار وطالبت بضرورة

إقامة إجراء قانوني ضد صاحب هذا العقار وذلك بوضع لافتة والديها

تكريما لهما ولمشوارهما الفني، وذلك ضمن مبادرة “عاش هنا”، التي

توضع عند منازل الفنانين الراحلين، تكريما لذكراهم، بالتنسيق مع

وزارة الثقافة وأبناء الفنانين.

وتابعت الفنانة سماح أنور قائلة: “أنا مش بعمل الفيديو عشان يوافقوا،

لا أنا بعمله عشان دا ماينفعش يتساب كدة، ماينفعش حد يسيب التخلف

دا في النور، اللي يسيبه يبقى مالوش لازمة في الحياة كلها”.

ووجهت الفنانة سماح أنور رسالة لأصحاب العقارات قائلة: “أنتم إيه؟ عايزين ايه؟ عايزين مصر تطفي، عايزين مصر مايبقاش فيها فن،

هتفضلوا تبهدلوا وتدبحوا في الفنانين يا شعب مصر كتير؟ قيمتكوا

بترموها وتدوسوا عليها وفاكرين هيبقى لكم قيمة؟

الفن المصري بيدي قيمة، والفنان المصري له قيمة كبيرة، اللي مش

عارفها دي مشكلة عنده هو، محدش فاكر مين شتم أي فنان، أما الفنان

الحي أو الراحل عايش بفنه وحب الناس ليه”.

 

وأضافت الفنانة سماح أنور قائلة: “أنا مخنوقة أوي من الناس اللي

في مصر اللي روحهم ضلمت”.

أخر أعمال الفنانة سماح أنور

من جانب أخر، شاركت الفنانة سماح أنور في السباق الرمضاني السابق 2023، في مسلسل الصندوق، والذي يعد من بطولة كل من: هدى المفتي، أحمد داش، علي قاسم، وآخرين.