مش خايفة أموت ببدلة رقص.. لوسي

كتبت: فاطمة الشناوي 

قالت الفنانة “لوسي” خلال لقائها في برنامج “العرافة” والتي تقدمه الإعلامية “بسمة وهبة“: “مش بعمل بجاحة أنا بعمل حاجة الدنيا كلها شايفاها، مش تحت أو فوق السرير، بعمل حاجة في العلانية، زي ما الدكتور بيلبس البالطو بتاعه، والكناس في الشارع بيلبس لبسه، إحنا بنشتغل مهنة في النور بلدي معترفة بيها والرقص مرسوم على جدران معابد قدمائنا المصريين”.

وتابعت: “لو عملت حاجة غلط أقول لربنا اغفر لي وسامحني، لكن أنا معملتش حاجة غلط، عملت حاجة العالم كله بيحبها ويقدرها إلا هنا

وأقول لكل المنتقدين لمسيرتي لو كلنا قعدنا وسمعنا كلام الناس مش هنعرف نشتغل” .

وأشارت “لوسي” إلي أنها تركت الدراسة من أجل الرقص للحصول علي الأموال حتي توفر الاحتياجات الأساسية لعائلتها قائلة: “اشتغلت رقاصة في الأفراح وأنا عندي 11 سنة عشان أصرف على إخواتي”.

ثم أكملت: ” بحب عيلتي وبيحبوني لكن كانت الظروف كده الجواز بالغصب واللي مش راضي عنه الأهالي بيعمل مشكلات واللي بيدفع ثمنها الأطفال، وربنا إداني التمن حلو سمعتي حلوة والناس بتحبني وأنا بحبهم وبحب الشغل والرقص والتمثيل والفن”.

واختتمت الفنانة اللقاء قائلة: “نصيبي كده ومكتوب على جبيني إني هبقى رقاصة، واشتغل في الأفراح الشعبية لحد ما أكبر شوية، وأبقى كومبارس وبعدين أبقى ممثلة وبعدين أبقى نجمة وبطلة ومشهورة”.