كتبت_ روضة خميس
صرحت الفنانة منة فضالي خلال لقائها في برنامج Vip مع الإعلامية أميرة بدر، قائلة: ” في ناس كتير حاربتني ومنهم نجمة كبيرة في الوسط الفني وكبيرة سنا، ومعنديش فكرة لية بتعمل كدا، واشتغلنا مع بعض كتير ومواجهتهاش، وهي من زمان بتعمل معايا كدا”.
وقررت الفنانة منة فضالي عدم التعامل معاها ثانيةً لما تسببه لها من أضرار.
فقالت منة فضالي: ” ممكن تكون كبرت وخرفت، بقولها كما تدين تدان، ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لا، وجبت غيرها وعملته وقولت لا، ومتعرفيش امتي هضرب ضربتي، أنا قوية جداً وبعرف أمتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي، وأقولها كلي في نفسك”.
وأضافت منة فضالي ” كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليها كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود”.
