كتبت: فاطمة الشناوي
قالت الفنانة “هالة صدقي” خلال لقائها في برنامج “The Nine Show” والذي تقدمه الإعلامية “دعاء صلاح”: إتقالي في عمل معمول ليكي ومرمي في بيت، وحد وصف ليا المكان في بيت مش أي حد يعرفه، أنا عندي بيت محدش دخله غير قليلين أوي وإتوصف لي البيت إن حد دخل عملي عمل، لأن الأحداث اللي حصلتلي كانت كتير ومش معقولة.
وأوضحت أنها لم تهتم بهذا الأمر ولم تفكر به، قائلة: ” مفكرتش في الموضوع ومفكرتش إزاي أقدر أفك العمل، قُربي من ربنا بيحميني لكن مش بسعى إني أفك العمل وأصدق وأحاول أفك الحاجات دي.
ثم كشفت عن رأيها في أدوار الإغراء والإثارة قائلة: “لو كنت قبلت تقديم أدوار الإغراء كنت وصلت لمكانة أكبر، لكن في بداياتي الفنية ركزوا على فكرة تقديمي أدوار الإغراء بسبب مشهد ظهرت فيه بالمايوه، وأنا خفت من تصنيفي كممثلة إغراء وأنا مش بعرف أعمل المشاهد دي.
وأضافت “هالة”: لا أرفض تقديم الإغراء أنا ممثلة ولازم أقدم كل الأدوار، وهكون ممثلة فاشلة لو قلت أني أقدم “سينما نظيفة” لكن كنت معترضة لسبب إن أغلب المخرجين كانوا بيقدموا الإغراء من أجل التسويق للفيلم، كانوا بيقدموا الإغراء بإبتذال وكانت مشاهد مقحمة لمجرد التعرية فقط.
من الجدير بالذكر أن الفنانة “هالة صدقي” تشارك في مسلسلين في السباق الرمضاني الحالي ، الأول “جعفر العمدة” والثاني “سره الباتع“.
