تصدر اسم الإعلامية ريهام سعيد محركات البحث خلال الساعات الماضية بعد انهيارها من البكاء في بث مباشر على صفحتها على موقع التواصل الاجتماعي فيسبوك، بسبب التهديدات التي تلقتها من سيدة الأعمال سميرة الدغيدي مالكة قناة الشمس بالسجن على خلفية الخلافات القائمة بينهم.
سبب خلافات ريهام سعيد وسميرة الدغيدي
روت الإعلامية ريهام سعيد تفاصيل الخلافات القائمة بينها وبين سيدة الأعمال سميرة الدغيدي مالكة قناة الشمس، من خلال بث مباشر نشرته على صفحتها الرسمية في موقع التواصل الاجتماعي فيسبوك.
وقالت ريهام سعيد: وأنا بمضي عقدي مع قناة الشمس سميرة الدغيدي قالتلي هتمضي على فقرة إعلانية جوا الحلقة لشركة مستحضرات تجميل، مجاملة لإبني عشان دي شركته، وأنا وافقت وماخدتش منها فلوس وعملت الفقرة الإعلانية مجاملة ودعم لإبنها، لكنها استغلت الفقرة الإعلانية وبدأت تنزلها كإعلان منفصل على السوشيال ميديا وبين البرامج على القناة، على عكس الاتفاق اللي كان بينا.
سبب بكاء ريهام سعيد في بث مباشر
وأضافت ريهام سعيد أنها عندما اعترضت على إذاعة الإعلان في فواصل البرامج وطلبت من مالكة القناة الإمضاء على عقد ينص على عدم استخدام الفقرة الإعلانية مرة أخرى، تمت الرد عليها بالرفض والإساءة لشخصها، قائلة: الأستاذة سميرة شتمتني عشان عايزة حقي ولما اشتكيت لإبنها قالي أمي تعمل اللي هي عايزاه وماحدش يقدر يرد عليها.
وانهارت ريهام سعيد من البكاء أثناء حديثها قائلة: أنا أتصلت بيها عشان تشيل الإعلان وقولتلها أنتي كده بتهدمي تاريخي كإعلامية محترمة بقالي 25 سنة، أنا مذيعة مش موديل إعلانات أنتي كده بهدلتيني وأنا كل ما أشوف الإعلان في التليفزيون أعيط.
وأوضحت الإعلامية ريهام سعيد أن رد سميرة الدغيدي مالكة قناة الشمس صادم بالنسبة لها، لأنها هددتها بالسجن وبمنعها من الظهور على شاشات التليفزيون مرة أخرى، وبالفعل تقدمت بطلب إلى نقابة الإعلاميين وإلى المجلس الأعلى للإعلام بمنع ظهورها على شاشة تليفزيون “هي” المتعاقدة معهم حاليا.
سميرة الدغيدي تهدد ريهام سعيد بالسجن
واختتم ريهام سعيد حديثها بأنها ستتخد كافة الإجراءات القانونية الفترة القادمة ضد سميرة الدغيدي ونجلها، خصوصا بعد منشورها الأخير على صفحتها الرسمية بموقع التواصل الاجتماعي فيسبوك، الذي كتبت فيه: هو مين قال انك مسئولة عن ترولايت انتي مذيعة اخدتي اجرك علي هذه الفقرات وخلصنا كون انك بكل الطرق حولتي تاخدي اجر تاني وترفض ده هو اللي مخليكي وصله للحاله دي انسي ان اللي بتعمليه ده هيخليكي تاخدي مليم زياده لانه مش حقك وعشان الكل يفهم الهانم دي عايزه كل ما الفقرات اللي اخدت اجرها 450 الف جنيه تتذاع تاخد فلوس تانيه وده عمره محصل في اي قناة في الدنيا لا عربية ولا اجنبيه وعشان اوضح اكتر علي سبيل المثال محمد رمضان اخد اجر عن مسلسل جعفر العمدة فهل منطقي كل ما المسلسل يتذاع ياخد اجر تاني اتقي الله وكفياكي حرب ركزي في شغلك خلصنا بقي وبالمناسبه (انتي هتتسجني).
